2021-12-25 02:04:44
Eryigit!
Shuni bilib olki, sening iching qog‘oz quti kabi bo‘sh bo‘lmasin. Oyna kabi oson sinma. Qamish kabi g‘ovak bo‘lma.
Sen zarang daraxt bo‘l. Xarsang bo‘l. Qoya bo‘l. Qilich ursalar, qayrilsin. Hatto, senga zarb berish haqida ham xayol qilmasinlar.
Umringda gapirgan toshni ko‘rganmisan? Ingragan qoyani-chi? Vaysaqilik qilayotgan zarang daraxtni-chi?
Hayot o‘ta jiddiy ish. O‘yin bilan ham, kulgi bilan ham, qiyshanglab o‘ynash bilan ham o‘tadi. Lekin bu o‘tishda ma’no bo‘lmaydi, birodar. Sendan keyin qoladigan avlod ham sendan o‘rnak olib, xunasa bo‘lib qolishi mumkin.
Yashasang, tog‘day yasha. Savlatingdan hurksinlar. O‘zingdan katta odam yasab olma. Jussang kichik bo‘lsa, bundan siqilma. Katta bo‘lsa, kerilma. Ikkisi ham go‘rning ichida chiriydi, ilon yeydi, qurt yeydi uni.
Sen ichingga qara. Ruhingga boq. Qalbingni o‘rgan. Nafsingni tani.
Sabring qay darajada? Saboting-chi? Mehnatkashmisan? Qarshingga kelgan maydagap va befoyda bahschidan yuz o‘girib ketishga qodirmisan?
Bu savollarga hayoting javob beradi.
Iching bo‘shab qolmasin. Ichingni Iymon, Sabr va Zikr ila to‘ldirib yur.
@Shohrux_Siddiqov
209 views23:04