❝PDF တွေ လက်လုပ်စိန်ပြောင်း စမ်းပစ်ရာကနေ နွားကျောင်းထွက်လာသူအမျိုးသားကိုထိမှန်လို့ ၎င်းအမျိုးသားသေဆုံး❞𝙈𝙃𝙏 𝙉𝙀𝙒𝙎 〔𝘼𝙋𝙍𝙄𝙇 ～ 𝟐𝟎〕
https://t.me/myanmarhardtalk
စစ်ကိုင်းတိုင်းဒေသကြီး ဆားလင်းကြီးမြို့နယ်၊ ပုလောင်ရွာမှာ PDF တွေ စမ်းပြီးပစ်လိုက်တဲ့ လက်လုပ်စိန်ပြောင်းကျည် ထိမှန်မှုကြောင့် နွားကျောင်းဖို့ထွက်လာတဲ့ အမျိုးသားတစ်ဦး သေဆုံးသွားခဲ့တယ်လို့ ဒေသခံတွေက ပြောပါတယ်။
❝PDF တွေက သူတို့ကိုယ်တိုင်လုပ်ထားတဲ့ လက်နက်ကြီးတွေကို စမ်းပစ်ကြည့်နေကြတာ။ ပစ်တာက အဝေးကြီးကပစ်တာမဟုတ်ဘူး။ လှမ်းခေါ်ရင်တောင်ကြားလောက်တဲ့နေရာကနေ ပစ်နေကြတာ။ အဲဒီမှာ ကျည်တစ်လုံးက နွားကျောင်းထွက်လာတဲ့လူကို မှန်ပြီး သေသွားတာပဲ။❞ လို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက ပြောပြခဲ့တာပါ။
အဆိုပါဖြစ်စဥ်ဟာ ဒီကနေ့ ဧပြီ ၂၀ ရက်၊ မနက် ၈ နာရီခွဲအချိန်ခန့်မှာ ဖြစ်ပွားခဲ့တာဖြစ်ပြီး သေဆုံးသူက တောင်သူအလုပ်ကိုလုပ်ကိုင်နေတဲ့ အသက် ၅၂ နှစ်အရွယ် ဦးမိုးဦး ဆိုသူဖြစ်တယ်လို့ ဆိုပါတယ်။
အဲဒီလို လူတစ်ယောက်လုံး အသက်သေဆုံးသည်အထိ ဖြစ်ပွားခဲ့တာတောင် PDF တွေက ဘာတာဝန်ယူမှု၊ တာဝန်ခံမှုမှမရှိတဲ့အပြင် သတင်းမေးတောင်မလာခဲ့ကြဘူးလို့ ဒေသခံတွေရဲ့ ပြောပြမှုအရ သိရပါတယ်။
#𝙈𝙃𝙏𝙉𝙀𝙒𝙎
