Myanmar Hard Talk

2024-06-10 06:12:14 ❝ယနေ့ ရွှေအဖွင့်ဈေး ၁၃၈၀၀၀ ကျော် ကျဆင်းပြီး ဒေါ်လာဈေး ၃၈၀၀ ကျော်ဖြစ်ကြောင်းသိရ”

𝙈𝙃𝙏 𝙉𝙀𝙒𝙎 〔𝙅𝙐𝙉𝙀 ～ 𝟏𝟎〕
https://t.me/myanmarhardtalk

ယနေ့ ဇွန်လ ၁၀ ရက်အတွက် အမေရိကန်ဒေါ်လာ ငွေလဲနှုန်းမှာ ၃၈၀၆•၄၆ ကျပ်ဖြစ်ကြောင်း သိရပါတယ်။

အလားတူ ယနေ့ ဇွန်လ ၁၀ ရက်၊ နံနက်ပိုင်းတွင် အကယ်ဒမီ မီးလင်းရွှေစျေးကွက်၏ အဖွင့်ဈေးနှုန်း အတည်ပြုချက်မှာ ရန်ကုန် ၄,၆၅၅,၀၄၇ ကျပ်ဖြစ်ပြီး မန္တလေး ၄,၆၄၅,၀၄၇ ကျပ်ဖြစ်ကြောင်းလည်းသိရပါတယ်။

ပြီးခဲ့သည့် ဇွန်လ ၈ ရက်ညနေပိုင်းက အကယ်ဒမီ မီးလင်းရွှေစျေးကွက်၏ အပိတ် ဈေးနှုန်းမှာ ၄,၇၉၃,၁၀၀ ဖြစ်သဖြင့် ယနေ့တွင် ငွေကျပ် ၁၃၈,၀၅၃ ကျပ် ကျဆင်းသွားသည်ကို တွေ့ရသည်။

ရွှေဆိုင်များ ရွှေလုပ်ငန်းရှင်များအားလုံးအနေဖြင့် YGEA သတ်မှတ်စျေးဖြင့်သာ အရောင်းအဝယ်ပြုလုပ်ကြရန်လည်း အသိပေးထားသည်။
#𝙈𝙃𝙏𝙉𝙀𝙒𝙎 Abrir / Cómo

2024-06-09 16:59:21 ❝ဆွာဆည်မှ ယာယီရေလှောင်တမံကို ဆည်မြောင်းတာဝန်ရှိသူများမှ ချိုးချလိုက်သဖြင့် ချောင်းအတွင်း ရေကြီးမှုဖြစ်ပေါ်ခဲ့❞

𝙈𝙃𝙏 𝙉𝙀𝙒𝙎 〔𝙅𝙐𝙉𝙀 ～ 𝟗〕
https://t.me/myanmarhardtalk

ပဲခူးတိုင်းဒေသကြီး၊ ရေတာရှည်မြို့နယ်၊ ဆွာချောင်းရေလှောင်တမံမှာရှိတဲ့ ယာယီရေလှောင်တမံကို ဆည်မြောင်းတာဝန်ရှိသူတွေက ဒီကနေ့ ဇွန်လ ၉ ရက် မနက်ပိုင်းမှာ ချိုးချလိုက်တာကြောင့် ဆွာချောင်းအတွင်း ရေတွေမြင့်တက်လာခဲ့ပြီး ရေဦးတိုက်ကျေးရွာတစ်ရွာဖြစ်တဲ့ ကြို့ပင်ထိုက်ရွာအတွင်းကို ရေဝင်ရောက်မယ့်အခြေအနေနဲ့ ကြုံတွေ့ခဲ့ရသလို အနှိမ့်ပိုင်းမှာရှိတဲ့ နေအိမ်အချို့ကတော့ ရေဝင်ရောက်မှု အနည်းငယ်ရှိခဲ့တယ်လို့ ဒေသခံတစ်ဦးက MHT NEWS ကိုပြောပါတယ်။

❝ဒီနေ့ နေ့လည် ၁၂ နာရီလောက်မှာ ရေတွေတက်လာတာ။ စိုးရိမ်ရလောက်တဲ့အခြေအနေတော့ မဟုတ်ဘူးပေါ့နော်။ ဒါပေမယ်လည်း ရွာသူရွာသားတွေကတော့ အခုထက် ထပ်တက်လာမလားဆိုပြီး ချောင်းကမ်းပါးမှာ စောင့်ကြည့်နေရတယ်။ အခုကတော့ ရေက ထပ်မတက်တော့ဘဲ တန့်သွားတာတွေ့ရတယ်ဗျ။ အနှိမ့်မှာရှိတဲ့ အိမ်အချို့ကတော့ ရွာကုန်းပေါ်ကို ယာယီရှောင်နေရတာပေါ့လေ။ ရေကျသွားရင် ပြန်နေလို့ရမှာပါ။ လို့❞ အဲဒီဒေသခံက ပြောပြခဲ့တာပါ။

ဒါ့အပြင် ယင်းဒေသမှာ ပြီးခဲ့တဲ့ရက်ပိုင်းအတွင်းက မိုးဆက်တိုက်ရွာသွန်းရာကနေ ယာယီတမံအတွင်း ရေဝင်ရောက်မှု မြင့်တက်လာခဲ့တဲ့အတွက် သက်ဆိုင်ရာ ဆည်မြောင်းတာဝန်ရှိသူတွေက ချိုးချလိုက်တာဖြစ်ကြောင်း ကြားသိရတယ်လို့လည်း ဒေသခံတွေက ပြောပါတယ်။

အဆိုပါ ဆွာချောင်းရေလှောင်တမံဟာ ပြီးခဲ့တဲ့ ၂၀၁၈ ခုနှစ်၊ သြဂုတ်လ ၂၉ ရက် မနက်အစောပိုင်းမှာ ယင်းရေလှောင်တမံရဲ့ ရေပိုလွှဲနံရံတစ်ခု ပြိုကျခဲ့ပြီးကတည်းက အဲဒီနေရာကို အကြီးစားပြန်လည်ပြုပြင်မှုတွေမလုပ်တော့ဘဲ ဆည်ရေသောက်ဧရိယာတွေမှာရှိတဲ့ လယ်မြေတွေစပါးစိုက်ပျိုးမှုအတွက် ယာယီတစ်မံတစ်ခုပြုလုပ်ထားပြီး နှစ်အလိုက် အလှည့်ကျပုံစံနဲ့ ရေပေးဝေတာဖြစ်တယ်လို့ ဒေသခံတွေရဲ့ ပြောပြမှုအရ သိရပါတယ်။
#𝙈𝙃𝙏𝙉𝙀𝙒𝙎 Abrir / Cómo

2024-06-09 16:59:03 Abrir / Cómo

2024-06-09 14:03:27 မြန်မာနိူင်ငံမှာ(၂၀၁၉)ခုနှစ်ကတည်းကကျင်းပခဲ့တဲ့ The Mask Singer Myanmar သီချင်းဆိုပြိုင်ပွဲရဲ့ Season (2) ကို (၂၀၂၄ ဇွန်လ ၂၁) ရက်နေ့မှာ စတင်ထုတ်လွင့်တော့မှာဖြစ်ပါတယ် ၊ The Mask Singer Myanmar Season (2)ရဲ့ မီဒီယာ တွေ့ဆုံပွဲကို ရန်ကုန်မြို့ Melina Hotel မှာ ဇွန်လ(၆)ရက်နေ့ကပြုလုပ်ခဲ့ပြီးတက်ရောက်လာတဲ့ တေးသံရှင် စန္ဒီမြင့်လွင်ရဲ့စကားသံတွေကိုနားဆင်နိူင်ပါတယ်။
#mhtentertainment Abrir / Cómo

2024-06-09 13:40:41 ❝ပြည်ဖျက်မီဒီယာက ဖော်ပြနေသည့် ရန်ကုန်ရွှေအသင်းဥက္ကဋ္ဌ အဖမ်းခံရသည့်သတင်း မှန်ကန်မှုမရှိဟု ရွှေအသင်းထုတ်ပြန်❞

𝙈𝙃𝙏 𝙉𝙀𝙒𝙎 〔𝙅𝙐𝙉𝙀 ～ 𝟗〕
https://t.me/myanmarhardtalk

အကြီးစား ပြည်ဖျက်မီဒီယာတစ်ခုဖြစ်သည့် ခေတ်သစ်သတင်းဌာန အမည်ခံ လူကုန်ကူးဂိုဏ်းတစ်ခုက ဖော်ပြထားသည့် ရန်ကုန်တိုင်းဒေသကြီး ရွှေလုပ်ငန်းရှင်များ အသင်းဥက္ကဋ္ဌ ဦးမျိုးမြင့်နှင့် အတွင်းရေးမှူး ဦးဝင်းမြင့်တို့ကို ဖမ်းဆီးထားကြောင်းသတင်းမှာ မှန်ကန်မှုမရှိကြောင်း အဆိုပါ ရွှေအသင်းက ထုတ်ပြန်ထားသည်။

သို့သော်လည်း ရွှေဈေးတွက်ချက်မှုအခြေအနေများနှင့်ပတ်သက်၍ အဆိုပါ ရွှေအသင်းဥက္ကဋ္ဌ ဦးမျိုးမြင့် ကို ခေါ်ယူမေးမြန်းခြင်းမျိုးတော့ ရှိကြောင်းနှင့် ဖမ်းဆီးခြင်းမဟုတ်သဖြင့် စိုးရိမ်စရာအခြေအနေလည်းမဟုတ်ကြောင်း ရွှေအသင်းနှင့် နီးစပ်သူများထံမှ စုံစမ်းသိရှိရသည်။

ယမန်နေ့ ဇွန်လ ၈ ရက်က ရန်ကုန်တိုင်းဒေသကြီး ရွှေလုပ်ငန်းရှင်များအသင်းတွင် ပြုလုပ်သည့် ငွေကြေးခဝါချမှုနှင့် အကြမ်းဖက်မှုကိုငွေကြေးထောက်ပံ့မှုတိုက်ဖျက်ရေးဆိုင်ရာ အသိပညာပေး အမှတ်စဉ် (၁၄) သင်တန်းသို့ ဥက္ကဋ္ဌ နှင့် အတွင်းရေးမှူး တက်ရောက်ခဲ့ခြင်းမရှိကြောင်း သိရသည်။
#𝙈𝙃𝙏𝙉𝙀𝙒𝙎 Abrir / Cómo

2024-06-09 08:02:27 တိုင်းအဆင့်ပါတီအကြီးအကဲတွေအနေနဲ့ပြည်သူတွေရဲ့အခက်အခဲတွေကိုမြေပြင်အထိသွားရောက်ကြည့်ရှု့ဖြည့်ဆည်းပေးကြဖို့နဲ့ပြည်သူလူထုနဲ့အမြဲထိတွေဆက်ဆံနေဖို့၊ လူငယ်တွေနဲ့အမြဲထိတွေဆက်ဆံဖို့ စတာတွေအပါအဝင် ပါတီရဲ့ရှေ့လုပ်ငန်းစဉ်တွေကို (၁၄)နှစ်မြောက်ပါတီနှစ်ပတ်လည်နေ့မှာ ဥက္ကဌကြီးဦးခင်ရီကပြောကြားလိုက်ပါတယ် ၊ အပြည့်အစုံကိုဆက်လက်ကြည့်ရှု့နိူင်ပါတယ်။
#mhtnews Abrir / Cómo

2024-06-09 04:28:22 ❝ပြီးခဲ့သည့် ဧပြီနှင့် မေလတို့တွင် ပြည်ပသို့ ပဲမျိုးစုံတန်ချိန် ၄ ဒသမ ၆၆ သိန်းကျော် တင်ပို့နိုင်ခဲ့❞

𝙈𝙃𝙏 𝙉𝙀𝙒𝙎 〔𝙅𝙐𝙉𝙀 ～ 𝟗〕
https://t.me/myanmarhardtalk

မြန်မာနိုင်ငံ၏ အဓိကပြည်ပပို့ကုန် လယ်ယာထွက်ကုန်ပစ္စည်းများ ဖြစ်သည့် ဆန်၊ ပဲမျိုးစုံ၊ ပြောင်း၊ နှမ်းများသည် နိုင်ငံတော်၏ ပြည်ပဝင်ငွေအများဆုံးရရှိသော အားထားရသည့် ပို့ကုန်အမယ်များဖြစ်ရာ

 ၂၀၂၄-၂၀၂၅ ဘဏ္ဍာ ရေးနှစ်တွင် ပြည်ပသို့ ပဲမျိုးစုံ တန်ချိန် ၁ ဒသမ ၈၉ သန်း တင်ပို့ရန် လျာထားခဲ့သလို ယခုဘဏ္ဍာရေးနှစ် ပထမသုံးလပတ်တွင် စုစုပေါင်းတန်ချိန် ၄ ဒသမ ၃၈ သိန်း တင်ပို့ရန်လျာထားခဲ့ရာ ပြီးခဲ့သည့် ဧပြီနှင့် မေလများတွင် ပဲမျိုးစုံတန်ချိန် ၄ ဒသမ ၆၆ သိန်းကျော် တင်ပို့ထားနိုင်ခဲ့သည့်အတွက် လျာထားချက်ထက် ကျော်လွန်တင်ပို့နိုင်ခဲ့ကြောင်း သိရသည်။

အလားတူ ဇွန်လတွင်လည်း လျာထားချက်ပြည့်မီအောင် တင်ပို့နိုင်ရေး ပဲမျိုးစုံတင်ပို့သည့် ပို့ကုန်လုပ်ငန်းရှင်များ၊ မြန်မာနိုင်ငံ ပဲမျိုးစုံ၊ ပြောင်းနှင့် နှမ်းကုန်သည်များ အသင်းနှင့်ဌာနဆိုင်ရာ တာဝန်ရှိသူများ ပူးပေါင်းဆောင်ရွက်လျက်ရှိကြောင်း သိရသည်။

သတင်းအပြည့်အစုံ https://telegra.ph/Myanmar-Hard-Talk-06-09-4 Abrir / Cómo

2024-06-08 17:54:47 Abrir / Cómo

2024-06-08 17:10:13 ❝ဂျပန်- မြန်မာ ပူးပေါင်းတည်ဆောက်ထားတဲ့ ပဲခူးမြစ်ကူး - သန်လျင်တံတား အမှတ် (၃) ယနေ့ ဖွင့်လှစ်❞

𝙈𝙃𝙏 𝙉𝙀𝙒𝙎 〔𝙅𝙐𝙉𝙀 ～ 𝟖〕
https://t.me/myanmarhardtalk

ရန်ကုန်တောင်ပိုင်းခရိုင်၊ သန်လျင်မြို့နယ်နှင့် ရန်ကုန်အရှေ့ပိုင်းခရိုင် သာကေတမြို့နယ်တို့ကို ဆက်သွယ် တည်ဆောက်ထားတဲ့ ပဲခူးမြစ်ကူး သန်လျင်တံတား အမှတ် (၃) ကို ဒီကနေ့ ဇွန် ၈ ရက်၊ မနက် ၉ နာရီက ဖွင့်လှစ်ခဲ့​တယ်လို့ သိရပါတယ်။

ပင်မတံတား အကျယ် ၂၂ ဒသမ ၉ မီတာ၊ ရေလမ်းကင်းလွတ်အမြင့် ၁၃ မီတာနဲ့ အရှည် ၃၅၀၀ မီတာ၊ လေးလမ်းသွား သံမဏိကြိုးဆိုင်းအမျိုးအစားဖြစ်တဲ့ အဆိုပါတံတားစီမံကိန်းကို ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) နဲ့ မြန်မာနိုင်ငံ စီမံကိန်းနှင့် ဘဏ္ဍာရေးဝန်ကြီးဌာန၊ ဆောက်လုပ်ရေးဝန်ကြီးဌာနနဲ့ သက်ဆိုင်ရာဝန်ကြီးဌာနတွေပူးပေါင်းတည်ဆောက်ခဲ့တာပါ။

ပြီးခဲ့တဲ့ ၂၀၁၉ ခုနှစ်မှာ စတင်အကောင်အထည်ဖော် တည်ဆောက်ခဲ့တဲ့ ယင်းတံတားကို စတင်ဖွင့်လှစ်တဲ့ ဒီကနေ့ မေလ ၈ ရက်၊ နေ့လည်ပိုင်းမှာတော့ မော်တော်ယာဥ်တွေကို အခမဲ့ဖြတ်သန်းခွင့်ပြုခဲ့ပြီး နောက်ပိုင်းမှာတော့ တံတားအသုံးပြုခကို နိုင်ငံတကာစနစ်အတိုင်း QR Code အသုံးပြုပြီး Mobile Pay စနစ်နဲ့ ကောက်ခံသွားမှာဖြစ်တယ်လို့ သိရပါတယ်။
#𝙈𝙃𝙏𝙉𝙀𝙒𝙎 Abrir / Cómo

2024-06-08 15:13:06 ❝တာမွေမှာ Taxi ကားပေါ်ကနေ ဓါးဒဏ်ရာနဲ့ သေဆုံးနေတဲ့ အမျိုးသားရုပ်အလောင်းတွေ့❞

𝙈𝙃𝙏 𝙉𝙀𝙒𝙎 〔𝙅𝙐𝙉𝙀 ～ 𝟖〕
https://t.me/myanmarhardtalk

ရန်ကုန်တိုင်း​ဒေသကြီး၊ တာမွေမြို့နယ်မှာ Taxi ကားတစ်စီးပေါ်ကနေ ဓါးဒဏ်ရာနဲ့ သေဆုံးနေတဲ့ အမျိုးသားတစ်ဦးရဲ့ ရုပ်အလောင်းကို ဒီကနေ့ ဇွန် ၈ ရက်၊ နံနက် ၁၀ နာရီအချိန်ခန့်က တွေ့ရှိခဲ့တယ်လို့ မြန်မာမွတ်စလင်မ်ပရဟိတအဖွဲ့ထံမှ သိရပါတယ်။

အဆိုပါရုပ်အလောင်းကို တာမွေမြို့နယ်၊ မေတ္တာညွန့်ရပ်ကွက်၊ စက်မှု (၃) လမ်း၊ သံလမ်းအနီးမှာ ရပ်ထားတဲ့ Toyota Fielder အမျိုးအစား Taxi ကားတစ်စီးပေါ်ကနေ ထိုးသွင်းဒဏ်ရာနဲ့ သေဆုံးလျှက် တွေ့ရှိခဲ့တာလို့ သိရပြီး သေဆုံးသူဟာ ဘယ်သူဘယ်ဝါဖြစ်တယ်ဆိုတာကိုတော့ မသိရှိရသေးဘူးလို့ ဆိုပါတယ်။

လက်ရှိမှာတော့ သေဆုံးသူဟာ ဘယ်သူဖြစ်တယ်ဆိုတာ သိရှိနိုင်ဖို့နဲ့ အခင်းဖြစ်ပွားမှု အသေးစိတ်အခြေအနေကို သိရှိနိုင်ဖို့အတွက် တာ​မွေမြို့မရဲစခန်းက လိုအပ်တဲ့ စုံစမ်းစစ်​ဆေး​မှုတွေ ပြုလုပ်နေဆဲဖြစ်​တယ်လို့ သိရပြီး ရုပ်အ​လောင်းကိုတော့ သင်္ဃန်းကျွန်းမြို့နယ် စံပြဆေးရုံရေခဲတိုက်ကို ပို့ပေးထားတယ်လို့ သိရပါတယ်။
#𝙈𝙃𝙏𝙉𝙀𝙒𝙎 Abrir / Cómo